مترجم: الحقيقة والوهم حول البروتين في النظام النباتي

ترجمة: Au Ber Gine

المصدر الأصلي: الفصل السابع من كتاب Skinny Bitch

السؤال الأسطورة:’مناكلش لحمة ولا فراخ؟! أمال ناخد بروتين منين؟’

مش عارف والله لو الفيل أو الزرافة أو الحصان اتسألوا السؤال ده هيبقى إحساسهم إيه. احتياجنا كبشر للبروتين بالحجم ده أصلاً هو أسطورة. كتر البروتين الحيواني بيأثر عالكلى وبيمتص الالكلسيوم والزنك وڤيتامين بي والحديد والماجنيزيوم من أجسامنا وبيسبب هشاشة العظام وأمراض القلب والسرطان والبدانة. كمان الكميات الزيادة من البروتين ممكن تدمر الأنسجة والأعضاء والخلايا، وبالتالي بتسبب الشيخوخة. بصوا على أي مجتمع مابياكلش اللحوم زينا هتلاقيهم معمرين وصحتهم أحسن مننا بكتير.
مع ذلك البروتين مهم جداً لصحتنا. البروتين مصدر لإنزيمات وهرمونات و ناقلات عصبية وأجسام مضادة، وبيجدد الخلاية المستهلكة وينقل كافة أنواع المواد في أجسامنا ويساهم في النمو والإحلال والتجديد.

بس إيه كمية البروتين اللي بنحتاجها بالضبط؟

مفيش إجابة واحدة مثالية بالنسبة للجميع هنا،
الرقم بيتراوح بين ١٨ إلى ٦٠ جرام يومياً. الدراسات اللي اتعملت في جامعة هارڤارد كشفت إن النباتيين ماعندهمش نقص في البروتين. وتقارير الAmerican Dietetic Association
بتقول إن النظام الغذائي النباتي بيوفر ضعف كمية البروتين المطلوبة يومياً. في كتابه Optimal Health دكتور باتريك هولفورد بيقول إن معظم الناس معرضين لاحتمال زيادة نسبة البروتين اكتر من احتمال نقصه، فياريت تشوف حجة تانيه غير دي.
——————————-

الڤيجانز بيجيبوا بروتين منين؟

ببساطة بياكلوا عدس وفول وخضروات وفواكه ومكسرات ولب منتجات صويا شبيهة بالأجبان واللحوم. لما تاكل وجبات متوازنة من الأغذية دي بتضمن حصة كافية من البروتين.
الأحماض الأمينية amino acids: فيه عشرين حمض أميني. أجسامنا بتنتج منها ١١ وال٩ الباقيين بييجوا من الأكل. الأحماض دي هي اللي بتبني البروتين اللي هو بيبني العضلات. بس حتى لو عاوز تبني عضلات انت مش محتاج البروتين الحيواني بالذات (دي مجرد كدبة سخيفة بترددها صناعة النوادي الرياضية) فيه شخصيات رياضية كتير نباتيين: كريس كامبل بطل أولمبياد مصارعة، كيث هولمز بطل عالمرملاكة وزن متوسط، بيل مانيتي بطل حمل أثقال، بيل بيرل مستر يونيڤرس أربع مرات، أندريه كالنج بطل كمال أجسام وحاصل على طهبية الأولمبياد في ال ski jump, آرت ستيل لاعب دفاع في الفريق الوطني للسلة، مارتينا نافراتيلوڤا (أخيراً إسم حد نعرفه [ندعوك للتسجيل في المنتدى أو التعريف بنفسك لمعاينة هذه الصورة]) بطلة التنس، روث هيدريك، أيرن وومان ست مرات ومحققة رقم قياسي.

فيه أسطورة تانية أثبتت عدم صحتها وهي نظرية ‘مزج الطعام’

كانت بتقول إن علشان نحصل على القدر الكافي من البروتين النباتي لازم نمزجهم بطريقة معينة. مثلاً إن لازم ناكل رز وبامية مع بعض علشان نوصل لأعلى مستوى من البروتين. ده غير صحيح ده غير إن الmicroorganisms والخلايا المعاد تدويرها في أمعاءنا بتنتج كل البروتين اللي بنحتاجه. محتاجين بس ناكل أكل صحي متوازن.

الدهون جزء مهم من أي دايت

بس ماتتخضش الدهون مش بالضرورة انها تتخن. الأحماض الدهنية الأساسية بتوفرلنا الطاقة وبتحمي القلب من أمراض القلب والسكتة وضغط الدم المرتفع. كمان بتكافح الحساسية وأعراض الدورة الشهرية ومشاكل الجلد. أجسامنا نفسها بتوفرلنا كل الأحماض الدهنية اللي بنحتاجها ماعدا اتنين: اللينوليك واللينولينيك اللي بندلعهم تجارياً ونقول لهم أوميجا٣ وأوميجا٦ ودول موجودين في زيت الزيتون وزيت السمسم وزيت الكانولا وزيت بذر الكتان وزيت القنب (مساء الخيييييييييير) وفي المكسرات الطازة اللي مش متحمصة وفي الأڤوكادو. فبطلوا تدو ودانكو للي بيقاطعوا المكسرات والزيوت والزيتون والأڤوكاتو بس بياكلوا اللحمة بدهنها عادي. دول عدوا البراميل خلاص لأن الحاجات دي مش هاتتخنك إلا لو بالغت في استهلاكها كل يوم. الدهون الغير مشبعة زي دي كويسة للجسم ولو بقت جزء من نظام نباتي متوازن لايمكن تتسبب في البدانة. على الجانب الآخر الدهون المشبعة الموجودة في اللحوم ومنتجات الألبان والزيوت المهدرجة هي اللي فعلاً مضرة وبتتخن. فكروا في مصدر الدهون قبل ماتاكلوا: تفتكر الدهون اللي جاية من الزيتونة أو حبة الأڤوكادو اللي هما نباتات هي دي بقى اللي هاتتخنك؟