تعالوا ننور البيت بالمتبقى من طقم الكاسات بتتكسر اطقم الكاسات و بيفضل عندنا منها واحد و لا 2
تعالوا ننور بيهم البيت
كل اللى هنحتاجه:
- كاسات (1 او اكتر )
- شمع صغير
- ورق كانسون او ورق هدايا او حتى بواقى ورق حائط ...... ممكن قماش و فازلين
- مقص
- صمغ
- هنحتاج كمان برجل و منقلة و ورقة نعملها باترون
هنفتح البرجل على قد فاتحة الكاس
مش قد الفاتحة بالضبط
و لكن اقل ب 1 سم.
هنحط نقطة فى ثلث الورقة (ورقة بالحجم العادى )
نحط المنقلة (من نصها بالضبط ) على النقطة
و ناخد نقطة على زاوية 110
نحط المسطرة على النقطتين و نعمل خط طويل
نعمل خط تانى على بُعد 1سم. من الخط اللى عملناه
(الخط التانى دة اللى هنلزق منه )
هنحط سن البرجل على النقطة اللى اخدناها فى الاول (بداية الخط اللى رسمناه فى الاول )
و نرسم من الخط لطرف الورقة
نقيس ارتفاع الكاس (بدون الساق)
على نفس البُعد دة - من الدايرة اللى عملناها - نعمل دايرة تانية بالبرجل
كما هو موضح فى الصورة
نقص الشكل اللى عملناه و دة هو الباترون
و طبعا ال 1 سم. الزيادة دة هو اللى هنحط فيه الصمغ علشان يتلزق فى الطرف الاخر
نحط الشمعة فى الكاس
و نلبسه الشابوه اللى عملناه