مع اللقيمات هتخسي من غير ريجيمات

مع اللقيمات هتخسي من غير ريجيمات

مع اللقيمات الامر اسهل بكتيرررررررررررررر
......

الحديث قال رسول (صلى الله عليه وسلم):
(ما ملأ ابن آدم وعاءً شراً من بطنه.بحسب ابن آدم لقيمات يقمن صلبه،فإن كان لا محاله فثلث لطعامه وثلث لشرابه وثلث لنفسه)

هل نظام اللقيمات ليه اكل معين او مسموح ومممنوع ؟؟؟
لا طبعا مفيش حاجة ممنوعة

بس الفرق انك مش بتتجاوزى حجم اللقيمه اوالامحاله بسسس ..

شرح حمية اللقيمات بصفة عاامة

ليكى فاليوم 5 لقيمات ووجبة لا محاله
عند الاسيقاظ من النوم 2 كوب ماءومعلقة عسل و3 تمرات وبعدين ناخد اول لقيمه

*****
ينفع نجمع لقيمتين فالافطار فقط ويتحسبوا واحده بس
( ربع رغيف بغموس مع كوب شاى بلبن او اى مشروب )

اللقيمه: اى حاجة قد نص الكف بمعلقتين غموس ( فول او جبنه او بيض )+ نص كوب مشروب

ودى بتتكرر كل 3:4 ساعات

**
ممكن اللقيمه تكون ثمرة فاكهة او خضار+ نص كوب مشروب او نص ثمرة فاكهة .

**
وممكن تكون قطعة بسبوسة اد علبه الكبريت او كيك قد تلت الكف + برضه نص كوب مشروب او نص ثمرة فاكهة او خضار .

نيجى لوجبة (الامحاله)

هناخد مج ونص اكل يشمل ( البروتين النشويات الخضار)
+مج ونص شراب ( ممكن شاى او سلطة اوعصير )او منهم كلهم بس منتعداش المج ونص
+ قطعة حلويات قد علبة الكبريت او قطعة شوكلاتة 20 جرام ..

ومناكلش اللقيمه اللى بعدها غير 4:5 ساعات
ونعاير ياقمراات بالمج الازاز السادة اللى موجود فى كل بيت

طيب ايه فايدة الشوكلاتة بالذات فاللقيمات ؟؟
علشان الشوكلاتة بتدى احساس بالسعادة للمخ وانه اخد كللل حاجة فيبتدى يدى اشارة للمخ انه يفجر الدهون ..

قبل اى لقيمة ب 10 دقايق 2 كوب ماء

وبعد اى لقيمة او الا محاله ب 5 دقايق( 5 حبات سودانى او 3 لوزات)نمضغهم كويس علشان يدوا احساس بالشبع

ايه فايدة السودانى او لوز ..؟؟
اولا الدكتور محمد الهاشمى( جزاه الله خيرا) هو اول من اخترع نقطة الهاشمى للشبع بان لما ناكل سودانى او لوز بعد اللقيمه او الامحاله
بتفضل فى فم المعدة وتقفلها خالص فاهتفضلى شعبانه لفترة اطول ..

ينفع اشرب بعد السودانى ميه ؟
لا طبعا مش قبل ساعة علشان الاكل ميعمش فالمعده والسودانى يسقط وتحسى بالجوع
وليكى فاليوم 5 معالق سكر هنوزعهم على النص مشروب اللى مع اللقيمات
لكن..... خلى بالك
لو اخدتى كوب مشروب كلقيمه السكر اللى فيه مش بيتحسب من الخمسه ..

ما هى أنواع اللقيمات؟


1-اللقيمات الدهنية:

وهى اللقيمات التى تحتوى على نشويات او السكريات .وتهدف تكوين مناعة نوعية ضد الدهون والحلويات بمركز المكافأة بالمخ .

وتنقسم الى:
*أ-لقيمات دهنية عادية:
 
امثله:
 
-خبز بأى غموس جبنه شيدر.. عسل..حلاوة..بيض أومليت..مربى.

-كيك قد نص الكف.

-قطعه بيتزا صغيرة نص الكف.

-نص قطعه جاتوة.

-قطعه بسبوسه قد علبه الكبريت.

-اى نوع معجنات حجم نص الكف.

-اللب نص كوب.

-المكسرات بأنوعها مقدار فنجان قهوة.

-كوب صغير ايس كريم واحد بوله.

*ب-لقيمات دهنية هاشمية:
 
-وهى اختيارية لمن يريد.
-و يفضل ان تكون واحدة فقط يوميا.
-وتكون صباحا او مساء ولو مساء تكون قبل النوم بساعة او ساعتين.
-وتتكون من 5 مكونات مع بعضهم):
 
1-ماء2 كوب.

2-ربع رغيف بلدي أو 1 توست أو واحدبيتى بان+معلقة كبيرة (جبن كامل الدسم أوحلاوة طحينيه أو مربى)أو بيضه اومليت..

3-نص كوب لبن كامل الدسم أو شاى أو نسكافيه بلبن كامل الدسم(اختيارى).

4-شيكولاتة 20 جرام أو معلقتين اى نوع حلوى(بسبوسه-عسل).

5- لوز 2 حبة (اختيارى).



2-اللقيمات الصحيه:
 
الخضروات والفاكهه وهى تفيد فى تدعيم مناعة الانسان وتغيربكتريا الامعاء..

أو عيش مع معلقة كبيرة جبنه قريش او واحد او 2ملاعق فول او بيضة مسلوقة.

امثلة للقيمات
 
-عيش مع معلقة كبيرة جبنه قريش او ملعقه او اتنين فول او بيضة مسلوقة .

-خياره ..جزرة...تفاحه...موزة... برتقاله..2 تين..2 برقوق..3 بلحات.

-علبه زبادى 110 جرام.

-نص كوب سلطه.

-كوب عصير...ماعدا عصير المانجو والقصب نص كوب.

-كوب لبن خالى الدسم.

-نص كوب لبن رايب.

-نص كوب بليله بلبن خالى الدسم.

-نص كوب كورن فليكس بلبن خالى الدسم.

-كوب فيشار.

- نص كوب ترمس او حمص شام.

.
***لقيمات صحيه تؤخذ بحد أقصى مرة يوميا:stop

هى لقيمات صحيه فى حد ذاتها ولكن لو تكررت فى اليوم ستؤدى لثبات الوزن وعدم نزوله لذلك يجب مراعاه تناولها بحد اقصى مرة واحده يوميا.

امثله:
 
-البطاطا المسلوقه او المشويه نص كوب.

-الشيكولاته 20 جرام.



*كم عدد اللقيمات المسموح بها يوميا؟
 
- عدد 1 أو 2 لقيمه دهنية (1دهنيه عادية+1دهنيه هاشميه أو 2 دهنيه عاديه).

-عدد 3 لقيمات صحيه...او 4 صحيه(فى حاله تناول 1 دهنيه).

حجم اللقيمات

فى ناس كتير بتتلخبط ازاى تحدد حجم اللقيمة او الامحاله
طبعا اتفقنا اننا هنعاير الاكل بالمج الازاز والسلطة نفس الحكاية..

لقيمة العيش : قد نص الكف او شريحة التوست +معلقه او 2 غموس ( فول بيض جبنه ..........)

البيتزا : لقيمه مثلث قد نص الكف

البقسماط : 2 لو كبير و3 لو صغير

البسكوت السادة : 4 وحدات

المعجنات :
(2 سمبوسه صغيرة

نص كرواسون

2 كعب الغزال

1 معجنات محشية

ا مينى بيتزا )

الحلويات :
( بسبوسة _ كنافة - جلاش) معلقتين كبار

و الكيك تلت الكف او اقل

(4 لقمة القاضى

2بلح الشام

3صوابع زين

4 رموش الست )

الخضار :
(جرز - خيار - طماطم - كوب خس - كوب سلطة )

الفاكهة :
نصف كوب ( بطيخ - كانتلوب _ اناناس -ثلثين عنب )

1 ( موزه - تفاحه - برتقال - كمثرى - جوافة )

نص مانجو كبيرة

( 2 يوسفي صغير

2 خوخ صغير

3 برقوق

3 مشمش

2 اراصيا

2 تين )

مهلبيه وخلافه :
نص كوب ( جيلى - ارز بلبن - كاستر -مهلبيه - ام على - عاشورا )

المشروبات لو لقيمه كاملة :
كوب ( نسكافيه -شاى بلبن - قهوة - عصير اى نوع )

نص كوب ( سحلب - مغات - عصير قصب - ايس كريم )

نصف كوب ( البليله - كورن فلكس - بلح بتمر -..........) ربع لبن والربع الباقى بالليلة او خلافه

حمص الشام ( كوب ) نص ميه ونص حمص

المكسرات :
فنجان لكلا من ( لب - سودانى زبيب - مكسرات ............)

الفشار كوب

الشيبسى نص كوب

الكارتيه نص كوب

لقيمة المحشى:
( 4وحدات كرنب او ورق عنب .............)
(البذنجان واحده صغيره والكوسة واحده واحده صغيرة برضه ..............)

امثله للقيمات
ده نماذج للقيمات فى اليوم زى ما قال الدكتور

ثابت معانا قبل كل لقيمة من كوب الى كوبين مياه + نصف كوب مشروب من اى نوع بربع لبن او عصير ويفضل حليب خالي الدسم

اول لقيمه في الصباح مسموح بنصف كوب لبن ويحسبوا لقيمه واحده

نموذج (1)

لقيمة 1 تفاحة
لقيمة 2 ربع عيش+ بيضة
لقيمة3 كوب زبادى
لقيمة4 نصف كوب بطيخ
لقيمة 5 عيش نصف الكف + معلقة جبنة

نموذج 2

لقيمة 1 نصف كوب بليلة ( ربع بليلة + ربع لبن خالى الدسم)
لقيمة 2 ثمرة جوافة
لقيمة 3. كوب ايس كريم صغير او بوله صغيرة
لقيمة 4. ثمرة كمثرى
لقيمة 5 كوب زبادى

نموذج 3

لقيمة 1. قطعة كيك اقل من نصف الكف
لقيمة 2. نص رغيف + معلقه او معلقتين فول
لقيمة 3. موزة
* وجبة اللامحالة
لقيمة 4. عيش اد نصف الكف+بيضة
لقيمة 5 بيضة مسلوقة

نموذج 4

لقيمة 1. عيش نصف الكف +. 2 طعمية صغيرة او واحدة كبيرة
لقيمة 2 2/3 كوب عنب
* وجبة اللامحالة
لقيمة 3. كوب كاكاو باللبن
لقيمة 4 ثمرة او 2 خضار (طماطم او خيار او جزر او خس )
لقيمة 5. ربع رغيف + 2 معلقة تونة

نموذج 5

لقيمة 1 عيش نص الكف وشريحة لانشون
لقيمة 2. نص مانجة كبيرة او واحدة صغيرة
لقيمة 3. كيس شيبسى صغير
لقيمة 4 2 تين
لقيمة 5. زبادى
* وجبة اللامحالة

نموذج 6

لقيمة 1 2 بقسماط كبير او ثلاثه صغير + معلقه او معلقتين جبنة
لقيمة 2. كوب نسكافيه باللبن (نص كوب او اكتر)
لقيمة 3 3 برقوق
* وجبة اللامحالة
لقيمة 4 نصف كوب أرز باللبن او مهلبية او كريم كراميل او جيلى
لقيمة 5 4 بسكويت سادة

نماذج لوجبة اللامحالة :

هذه مجرد أمثلة فقط وليست نماذج ثابتة

*نصف كوب أرز + نصف كوب خضار مطبوخ + 2 قطعة لحمة صغيرة او قطعة كبيرة+كوب ونصف سلطة خضراء + 20 جم شيكولاتة

*كوب مكرونة+ ربع فرخة + كوب سلطة + نصف كوب شوربة + 2 معلقة كبيرة ايس كريم

*نصف رغيف + علبة تونة + كوب سلطة + نصف كوب عصير او مياه غازية + 2 معلقة بسبوسة

*رغيف أسمر متوسط + نصف كوب فول + كوب ونصف سلطة + 2 معلقة كبيرة عسل أسود

* نصف كوب أرز + سمكة أد الكف + كوب سلطة +نصف كوب عصير + 20 جم شيكولاتة

* نصف كوب ارز او نصف رغيف +سمكة مشوية + كوب ونصف سلطة + 2 معلقة ايس كريم

*نصف رغيف +2 بيضة + شريحة جبنة + كوب سلطة + نصف كوب نسكافيه + اى نوع حلويات

*كوب مكرونة +قطعة بانيه او بفتيك (فى الفرن بطريقة صحية) + كوب ونصف عصير+ اى حلويات

* مكرونة بالبشاميل (كف الا ربع) +ربع فرخة صغير + كوب ونص شوربة+اى حلويات

* مكرونة بالبشاميل (اد الكف) + كوب ونصف سلطة+ اى حلويات

* كوب فتة + قطعة لحمة + كوب ونصف شوربة

المشروبات فى اللقيمات

1- مسموح بنصف بربع مشروب من أى نوع مع كل لقيمة ممكن عصير او لبن ونصف كوب لو شاى سادة أو قهوة أو أعشاب يفضل تناول هذا المشروب قبل اللقيمة ب 10 دقائق .. لأن السوائل لا تبقى فى المعدة بل تنتقل الى الأمعاء فى خلال 10 دقائق تاركة المعدة خالية وبالتالى عند تناول اللقيمة بتكون لوحدها فى المعدة دون أن تطفو مع السوائل وبذلك نحصل على درجة أعلى من الشبع

( بالنسبة لاضافة ربع كوب لبن على النصف كوب مشروب قبل اللقيمة ممكن يحصل 3 مرات بس فى اليوم و يفضل يكون خالى الدسم )

2_ المشروبات التى تحتوى على نصف كوب لبن أو أكثر تحتسب لقيمة و مسموح بتناول نص كوب لبن مع اللقيمة مرة واحده يوميا في لقيمه الفطار مثلا

3_المشروبات السادة ماعدا الكاكاو والحلبة لا تحتسب لقيمة ويمكن تناولها حتى 5 مرات يوميا .

( بالنسبة لاضافة ربع كوب لبن على كوب المشروب بين اللقيمات ممكن يحصل3مرات بس فى اليوم و يفضل يكون خالى الدسم ) .

4_ المشروبات العشبية مثل القرفة والزنجبيل والينسون والنعناع والتيليو والكركديه وعصير الليمون والشاى بأنواعه والقهوة والنسكافيه السادة لا تحتسب لقيمات وتشرب بأى كمية.

5 كل أنواع العصائر نص او تلتين الكوب منها يحتسب لقيمة ماعدا عصير الليمون.

6_عند تناول نصف كوب عصير مع اللقيمة يخصم السكر فى حدود معلقة واحده

7_ عند تناول تلتين كوب عصير كلقيمة قائمة بذاتها لا نخصم من السكر المسموح خلال اليوم على ان يكون فى حدود معلقة واحده .

8- مسموح فقط ب 5 معالق سكر فى اليوم